انا كبرت سنة

حبيبى ونور عيونى وكل ما ليا....
ياللى معاك حسيت بجد بطعم الحنية
حسستنى بالدفا
جسستنى بالآمان
حسستنى بالفرحة اللى كانت نسيتها عنيا

عيشتنى معاك اجمل ايام عمرى بجد
صدقنى مافيش حد أدنا بيحب حد
لأننا من قلبنا بنحب بجد
حبنا برئ ... رقيق .. حبنا ميقدرش عليه حد

اوعدنى ميفرقناش بعد
اوعدنى مهما كانت المسافات برده نعيش لبعض
اوعدنى انك هتكون ليا وانا هكون ليك
اوعدنى انك هتكون بين ايديا وهتشيلنى فى عنيك
اوعدنى ان ايديا عمرها ما هتسيب ايديك

حتى لو طلبت منك تبعد وتغيب
خليك منى قريب
ينفع يوم الشمس متجيش؟؟؟؟
انت كمان متمشيش .. واوعا بعيد عن حضنى تعيش

عارفة ان القمر بعيد .. والنجوم ممكن تقرب .. لكن متقدرش تحضنه لتموت اكيد
بس انا مش قمر... وانت احلى من النجوم ...وطول ما انت معايا هتكون سعيد

انا دلوقتى بكبر سنة .. بس انا زى ما انا على وعدى ليك
هفضل معاك وجمبك وفى حضن عنيك

تغمض تلاقينى .. تفتح اكون بين ايديك
وكل سنة وانت ليا وانا عايشة ليك وبيك

_______________________________________________________________________